<< Giambattista Valli-ის 2013 წლის გაზაფხული/ზაფხულის კოლექციის ჩვენება >>

ნახევარი საათის წინ, პარიზის მოდის კვირეულზე დასრულდა Giambattista Valli-ის 2013 წლის
გაზაფხული/ზაფხულის კოლექციის ჩვენება . ჯიამბატისტამ საკმაოდ რომანტიკული ხასიათის მქონე, ელეგანტური
კოლექცია წარმოადგინა, დომინანტი ფერები გახლავთ წითელი, თეთრი და შავი. სილუეტები ვიწროა და ხაზს უსვამს
სხეულის სილამაზეს, ქსოვილებიდან გამოყენებული იქნა შიფონი დიდი რაოდენობით, აბრეშუმი, მაქმანი და
დამუშავებული, ფერადი ეფექტის მქონე ტყავი. აქცენტი გაკეთებული ქვედაბოლოების ასიმეტრიულ
ჭრილებზე და მბზინავ დეტალებზე, სწორედ ამ ელემენტების მეშვეობითაა გაწყობილი
კოლექციაში წარმოდგენილი ლუქების უმეტესი ნაწილი.

აქსესუარების სახით წარმოდგენილი იქნა ლაკისა ქუსლიანი ფეხსაცმელი. ასევე ტყავის რეტრო
სტილის ხელჩანთები, რომლებსაც ამშვენებს მეტალის საკეტები. ასევე წვრილი ლაკირებული ქამრები
და ძვირაფასი თვლებით შემკული ბროშები. მაკიაჟი საკმაოდ მსუბუქია და შეესაბამება ლუქების სისადავეს.
ვარცხნილობას რაც შეეხება სტილისტმა ამ შემთხვევაშიც მინიმალიზმზე შეაჩერა არჩევანი. შოუ საბოლოო
ჯამში ფანტასტიური გამოვიდა, ყოველი დეტალი ერთმანეთს იდეალურად შეესაბამებოდა.
სრული ჰარმონია სუფევდა ჯიამბატისტა ვალის შოურუმზე.