მთავარი » 2012 » ოქტომბერი » 18 » დონალდ ტრამპი პატინსონისა და სტუარტის სასიყვარულო ურთიერთობებში სახალხოდ ერევა
2:35 PM
დონალდ ტრამპი პატინსონისა და სტუარტის სასიყვარულო ურთიერთობებში სახალხოდ ერევა
დონალდ ტრამპის პერსონისა და მისი ბიზნეს მაგნატობის შესახებ, ვგონებ მსოფლიოში და საქართველოშიც უკვე ყველამ იცის, მაგრამ დარწმუნებული ვარ, არ გეცოდინებოდათ, თურმე როგორი თავგამოდებული მრჩეველი ყოფილა სასიყვარულო საქმეებშიც.
ბევრი რომ არ გავაგრძელოთ, ბაბუა ტრამპი უკვე კარგა ხანია, რაც სოციალურ ქსელ Twitter-ის აქტიური მომხმარებელია და სასარგებლო რჩევებსაც, სწორედ იქიდან იძლევა. 17 ოქტომბერს, ბატონმა ტრამპმა, Twitter–ის ოფიციალურ გვერდზე გამოაქვეყნა ერთგვარი მოთხოვნა, სადაც განაცხადა, რომ რობერტ პატინსონმა არავითარ შემთხვევაში არ უნდა შეირიგოს მოღალატე კირსტენ სტიუარტი.
საუბარია Twilight საგის ცნობილ ვარსკვლავებსა და მათ ირგვლივ აგორებულ სკანდალზე, რომელიც წყვილის დაშორებას შეეხებოდა.
,,რობერტმა არ უნდა მიიღოს უკან კრისტენ სტიუარტი. მან უღალატა, როგორც ძაღლს და ამას კიდევ გააკეთებს– უბრალოდ, დაველოდოთ. მას (პატინსონი) აშკარად უკეთესი ეკუთვნის! " – წერს გაცხარებული ტრამპი.
ამ განცხადებით გახალისებულმა მკითხველებმა კი სასწრაფოდ ჰკითხეს აზრი მომღერალ რიანასა და მისი ექს–ბიოფრენდის–კრის ბრაუნის შერიგების შესახებაც.
როგორც ჰოლივუდელი ჟურნალისტები ვარაუდობენ, ტრამპის გაცხარების მიზეზი კრისტენის მიერ ცოტა ხნის წინ ლოს–ფელისში შეძენილ ახალ ბინას უკავშირდება, რომელიც რობერტისა და კრისტენის საერთო ვილასთან ახლოს მდებარეობს. თუმცა, რატომ აღელვებს ბაბუა ტრამპს კრისტენის საცხოვრებელი ფართების უცაბედი ცვლა, უცნობია!
დონალდ ტრამპის პერსონისა და მისი ბიზნეს მაგნატობის შესახებ, ვგონებ მსოფლიოში და საქართველოშიც უკვე ყველამ იცის, მაგრამ დარწმუნებული ვარ, არ გეცოდინებოდათ, თურმე როგორი თავგამოდებული მრჩეველი ყოფილა სასიყვარულო საქმეებშიც. 
